«Дикий Арман» лақап атымен танымал Арман Жұмагелдиевке қатысы сот отырысы жабық өтіп жатыр, деп хабарлайды Turanaqparat.kz.
Әлеуметтік желіде сот отырысынан видео тарады. Онда Арман Жұмагелдиев судьяға дауыс көтеріп, қоқан-лоқы көрсеткен.
Сен менің дініме тиіспе. Шайтан, мен өз дінім үшін кез келгенін өлтіремін. Өзім де өлемін, — дейді ол.
Сондай-ақ айыпталушы судьяға бейәдеп сөздерді жаудырды. Видеоға түсіріп жатқан адамның да «Аллаһу Акбар» деп айғайлағанын естуге болады.
Кейін судья микрофонды өшіріп тастауға бұйрық берді.
Айта кетейік, Арман Жұмагелдиев былтыр 7 қаңтарда қамауға алынған. Оған «заңсыз қару сақтады», «жаппай тәртіпсіздік ұйымдастырды», «ұйымдасқан қылмыстық топ құрып, басшылық етті» және «қарақшылықпен шұғылданды» деген айыптар тағылған. Жұмагелдиев бұл айыптарды мойындамайды.
Аягөз Құрмаш
