Полиция боксшы Бейбіт Шүменовті әлі іздеп жатыр. Бұл туралы Мәжілісте Ішкі істер министрі Ержан Саденов айтты, деп хабарлады Turanaqparat.kz.
Ішкі істер министрлігі боксшы Бейбіт Шүменовті іздеп жатыр ма? Оны неге ұзақ іздеп жатырсыздар? – деп сұрады БАҚ өкілдері ІІМ басшысынан.
Ержан Саденов полиция жұмыс істеп жатқанын айтты. Сөзінше, ол іздеуде.
Тиісті шараны қабылдап жатырмыз. Болашақта елге қайтаруға тырысамыз, — деп жауап берді Саденов.
Еске салайық, 2023 жылғы 24 шілдеде кәсіпқой боксшы, әлем чемпионы Бейбіт Шүменовке іздеу жарияланған болатын.
Оқыс оқиға былтыр жазда болған. Астанадағы ірі сауда және ойын-сауық орталығының фудкортында төбелес болған. Қолында кішкентай баласы бар ер адам соққыға жығылған. Әлеуметтік желіде оның видеосы да жарияланды.
Желіде төбелеске қатысушылардың бірі – кәсіпқой боксшы Бейбіт Шүменов белгілі болды. Бұл ақпаратты Ішкі істер министрінің орынбасары Қайрат Сұнтаев растаған болатын.
