Қарағанды қаласында 4 жасар бүлдіршін көпқабатты үйдің төртінші қабатынан құлап кетті, деп хабарлайды Төтенше жағдайлар департаменті.
Оқиға 12 сәуір күні Гүлдер-1 шағын ауданы аумағында болған. 2022 жылы туған бала тоғыз қабатты үйдің төртінші қабатындағы пәтер терезесінен құлап кеткен.
Мәліметке сәйкес, бала ата-анасымен бірге Астанадан Қарағандыға қонаққа келген. Сол сәтте ата-анасы мен туыстары басқа бөлмеде болған, ал бала қараусыз қалып, терезеден құлап кеткен.
Бүлдіршін ауыр халде көпсалалы ауруханаға жеткізілген.
Төтенше жағдайлар департаменті ата-аналарға балаларды қараусыз қалдырмау, терезелерге қорғаныш блокираторлар орнату және терезе алдына жиһаз қоймау қажеттігін ескертті. Мамандар москит торлары баланың салмағын көтере алмайтынын да атап өтті.
