Мәжіліс депутаты Ардақ Назаров өзінің instagram-дағы парақшасында Алматыдағы болған жер сілкінісі Құдайдан келген кіші ескерту екенін жазған.
«Талайды тәубесіне келтірген түн. Осы түн соңғы түніміз болғанда не істер едік? Бұл Алланың кішігірім ескертуі. Ойлап қараңызшы: жер бұджан да қатты сілкінсе, бүгін қандай халде болар едік. Аллаға шүкір. Бұл Алланың мейірімі деп түсіну қажет. Өйткені үлкен ескерту келмес бұрын кіші ескерту, үлкен азап келмес бұрын кіші азап келеді. Адамдар шарасызбыз. Қолымыздан түк келмейді. Сөйте тұра тәкаппармыз. Ойлан, тәубеңе кел», — деп жазды депутат.
Еске салсақ, 23 қаңтарда Астана уақыты бойынша сағат 00:09-да Алматы қаласынан оңтүстік-шығысқа қарай 264 км жерде эпицентрі Қырғызстан мен Қытай шекарасында орналасқан жер сілкінісі тіркелді.
Алматы — 5 балл, Шымкент-2 балл. Жер сілкінісі Астана, Алматы қалалары, ШҚО, Жамбыл, Жетісу және Қарағанды облыстарында сезілді.
Аягөз Құрмаш
