Қазақстанда киіктерді атуға тыйым салынды, деп хабарлайды Turanaqparat.kz.
Бұл туралы Экология және табиғи ресурстар министрі Ерлан Нысанбаев Мәжілісте Үкімет сағатынан кейін журналистерге берген сұқбатында мәлімдеді.
Ведомство басшысының айтуныша, Қазақстанда киіктердің санын реттеу тоқтатылды.
Отандық ғалымдармен, халықаралық сарапшылармен кеңесіп, пікірталастан кейін киіктерді ату тоқтатылды. Сонымен қатар қыс мезгілі болғандықтан далада көшіп-қону қиынға соғады. Сол себепті 10 ақпаннан бастап ақбөкендердің санын реттеуді тоқтаттық, — деді министр.
