Астана қаласының мәдениет басқармасының экс-бастығы Болат Мажағұлов 8,5 жылға сотталды, деп хабарлайды Turanaqparat.kz.
Мұндай шешімді Астана қаласының Қылмыстық істер жөніндегі ауданаралық сотында судья Әсел Мукушова жариялады.
Болат Мажағұлов 2016 жылы Астанадағы «Күн» субұрқағына бөлінген 1 млрд теңге қаражатты жымқырғаны үшін кінәлі деп танылды.
Сот Мажағұловты 8,5 жылға соттап, өмір бойына мемлекеттік қызметте жұмыс істеу құқығынан айырды. Сондай-ақ ол «Құрмет» орденінен де айырылды.
Ал құрылыс компаниясының басшысы Мәди Қанапин «Ұрлыққа жәрдемдесу» бабы бойынша 3,5 жылға бас бостандығынан айырылды.
Мажағұлов 2016 жылы Астанадағы «Күн» субұрқағын салу кезінде ақша жымқырды деген күдікке ілінген. 2017 жылдан бастап аталған субұрқақ апатты жағдайда.
