20 ақпанда еліміздің бірқатар өңірінде қатты аяз болып, жел соғады. Бұл туралы «Қазгидромет» РМК мәлімдеді.
Батыс Қазақстан облысының батысында түнде тұман болады.
Ұлытау облысының батысы мен оңтүстігінде шығыстан соғатын желдің екпіні 18 м/с болады.
Қарағанды облысының оңтүстігінде шығыстан жел соғады, солтүстік-шығыстан екпіні 18 м/с болады. Түнде облыстың шығысында -35-38 қатты аяз сақталады.
Қызылорда облысының орталығында және оңтүстігінде тұман болады. Облыс орталығында және шығысында солтүстік-шығыстан соғатын желдің күші 15-20 м/с. Қызылорда қаласында түнде солтүстік-шығыстан жел соғады, екпіні 15-20 м/с.
Абай облысында түнде -40 аяз болады.
Түркістан облысының оңтүстігінде, батысында, таулы және тау бөктеріндегі аудандарында көктайғақ, тұман болады. Облыстың таулы аймақтарында жаңбыр жауады. Шығыстан, солтүстіктен оңтүстік-шығыстан жел соғады, облыстың таулы аймақтарында екпіні 15-20 м/с болады.
Шымкенттің кей жерлерін тұман басады. Түркістанда түнде және таңертең тұман түседі.
Шығыс Қазақстан облысында түнде -45 аяз болады деп болжанды. Өскеменде түнде қатты аяз -40 болады.
Талдықорғанда түнде -33 градусқа дейін өте қатты аяз болады.
