2022 жылдың 17 қазан күні сағат 11.00-де Түркістан облысы қоғамдық даму басқармасының арнайы кестесіне сай Сайрам ауданындағы А.Исмаилов атындағы кәсіптік колледжінде Қазақстан Республикасы Мемлекеттік рәміздерінің 30 жылдығына орай ұйымдастырылған пресс-тур аясында жастар арасында сурет салу байқауы өтті.
Шараның мақсаты – жастар арасында мемлекеттік рәміздерді кеңінен насихаттау, шығармашыл жастардың мемлекеттік рәміздерді қағаз бетіне суретпен салулары арқылы оларды Отансүйгіштікке адамгершілікке, Отанына, халқына адал қызмет етуге, елінің Туын, Елтаңбасын, Әнұранын қастерлеп, құрметтеуге, халқының тегін, ел тарихын тани білуге құрметтеуге, ұлтжандылыққа тәрбиелеу, аудан жастары арасынан таланттарды анықтау, көпшілікке таныстыру.
Аталмыш байқауға Сайрам ауданының жас суретшілері қатысып, жүлделі 1орынды – Марат Ажар иеленіп, ал 2 орынды – Абдикаримова Динара, жүлделі 3 орын иесі – Мирзакулова Динара иеленді. Жеңімпаздарға арнайы бағалы сыйлықтар мен дипломдар, ал қатысушыларға арнайы алғыс хаттар табысталды.
Пресс-тур барасында арнайы келген облыс журналистері, блогерлер және қоғам белсенділері жергілікті ақсақалдар алқасының мүшелерінен, ұстаздар және жастардан Қазақстан Республикасы Мемлекеттік рәміздерінің 30 жылдығында жеткен жетістіктер туралы сұхбат алынып, сонымен қатар, барша қазақстандықтарға деген ізгі тілектерімен бөлісті.
Өткен орны: Түркістан облысы, Сайрам ауданындағы А.Исмаилов
атындағы кәсіптік колледжінің конференция залы.
Қосымша ақпарат үшін: Р. Қонысбеков
Байланыс телефоны: +7 777 531 79 32