Бүгін «AMANAT» партиясы Шымкент қалалық филиалының бас ғимаратында «AMANAT» партиясы «Жастар Рухы» жастар қанатының іске қосқан «BIR TOLQYNDA» диалог алаңының Шымкент қаласында алғашқы отырысы өтті.
«BIR TOLQYNDA» алаңында «Жастар Рухы» жастар қанатының кезектен тыс VI Съезінде Мемлекет басшысы Қасым-Жомарт Кемелұлы Тоқаевтың жолдаған үндеуі, Жаңа Қазақстанның жастары айрықша түсінуге тиіс үш маңызды бағытты: – терең білім, еңбекқорлық және отаншылдық қасиеттері тақырып өзегіне айналды. Бас қосуға ҚР Парламенті Мәжілісінің депутаты Ғ.Ташқараев, қалалық мәслихат депутаттары Т.Балтабаев, А.Джумакулова және үкіметтік емес ұйымдардың, жастар ұйымдарының көшбасшылары қатысты.
Келелі кездесуде «AMANAT» партиясының фракция мүшесі ретінде әрі қалалық мәслихат депутаты ретінде шаһардың белсенді жастарына ел Президенті Қасым-Жомарт Кемелұлының Жастарға жолдаған үндеуі әр өскелең жастың өмірлік басты ұстанымына айналуы тиіс екенін айтқым келеді. Сондай-ақ съезде жастар қанатын трансформациялаудың жаңа бағдарламасы қабылданып, алдағы уақытта ауқымды жобалар іске асырылады. Осы өзгерістердің басы-қасында жастар өздері ұйытқы болып, атсалысатынына сенім мол.
