Қаржы вице-министрі Ержан Біржанов неге барлық азаматтың мобильді аударымдары тексерілмейтінін айтты, деп хабарлайды Turanaqparat.kz BAQ.KZ-ке сілтеме жасап.
Мемлекеттік кірістер органдары бүкіл мобильді аударымдарды тексермейді. Жеке шоттарына ай сайын қатарынан үш ай бойы 100 және одан да көп түрлі тұлғалардан мобильді аударымдар алған тұлғалар бақылауға жатады, — деді ол.
Вици-министрдің сөзінше, егер аударым межеден асса, қолданыстағы заңнамаға сәйкес бұл кәсіпкерлік қызметтің белгісі.
Әртүрлі өмірлік жағдайларда туыстарына, достарына және әріптестеріне аударуға шектеулер жоқ. Тек қолма-қол ақшасыз есеп айырысу бойынша жұмыс істейтін адал кәсіпкерлер бақылау саласынан шығарылады. Сондай-ақ, бизнесті жүргізу және дамыту үшін қолайлы жағдайлар жасалған.
Салық режимдерінің тәртібі оңайлатылды. Салық ставкалары қызмет түріне байланысты тек 1%-дан 4%-ға дейін, — деді Ержан Біржанов.
