Бүгін «AMANAT» партиясы Шымкент қалалық филиалы жанындағы «Жастарды қолдау» жөніндегі аймақтық кеңестің кезекті отырысы өтті.
Отырысты Шымкент қалалық мәслихат депутаты, қалалық «Жастарды қолдау» кеңесінің төрағасы Жолдыхожаев Мұрат Жаңабайұлы жүргізіп отырды.
Күн тәртібінде 1 — қыркүйек ҚР Президентінің жолдауы кеңінен насихатталды.
Отырысқа «AMANAT» партиясы Шымкент қалалық филиалының атқарушы хатшысының орынбасары Қалмұратов Мұратәлі Оразәліұлы қатысып, жолдаудағы 5 бағдар және экономикалық саясат, стратегиялық инвестиция жөнінде сөз қозғады.
Жиынды жалғастыра отырып, Шымкент қалалық мәслихатының баспасөз хатшысы Үйсінбай Бағдат Жаңабайұлы баяндама жасады.
Кеңес отырысының қорытындысы бойынша талқыланған тақырыптар төңірегінде бірқатар ұсыныс-пікірлер айтылып, күн тәртібіне ұсынылған мәселелер толықтай қаралды.
#ЖастарРухы #AMANAT
