Сессия отырысына қала әкімі М.Әйтенов, әкімдік мүшелері, аудан әкімдері, тиісті басқарма басшылары, БАҚ өкілдері қатысты. Сессия тікелей онлайн трансляцияда көрсетілді. Кезекті он жетінші сессияны мәслихат хатшысы Бахадыр Нарымбетов ашып, регламентке сәйкес күн тәртібіне енгізілген 10 мәселені талқылады.
Олар:
1. «2022-2024 жылдарға арналған Шымкент қаласының бюджеті туралы» 2021 жылғы 13 желтоқсандағы №12/92-VII Шымкент қаласы мәслихатының шешіміне өзгерістер енгізу туралы;
2. Шымкент қаласы әкімдігінің және Шымкент қаласы тексеру комиссиясының Шымкент қаласының 2021 жылғы бюджетінің атқарылуы туралы есептері;
3. «Шымкент қаласы азаматтарының жекелеген санаттарына амбулаториялық емдеу кезінде тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша тегін беру туралы» 2020 жылғы 15 желтоқсандағы №72/675-6с Шымкент қаласы мәслихатының шешіміне өзгеріс енгізу туралы;
4. Шымкент қаласы аумағында кондоминиум объектісін басқаруға және кондоминиум объектісінің ортақ мүлкін күтіп-ұстауға арналған шығыстардың ең төмен мөлшерін бекіту туралы;
5. Қазақстан Республикасы Үкіметінің жанындағы Республикалық ономастика комиссиясының қарауына Шымкент қаласында орналасқан мемлекеттік заңды тұлғаларды қайта атау және жеке адамдардың есімін беру жөнінде ұсыныстарды енгізу туралы;
6. «Шымкент қаласы әкімінің және Шымкент қаласы аудандары әкімдерінің халықпен кездесулерінің 2022 жылға арналған күнтізбелерін келісу туралы» 2022 жылғы 18 ақпандағы №13/112-VII Шымкент қаласы мәслихатының шешіміне өзгерістер енгізу туралы;
7. «Шымкент қаласының Құрметті азаматы» атағын беру туралы;
8. «Шымкент қаласы мәслихатының 2022 жылға арналған жұмыс жоспары туралы» 2021 жылғы 13 желтоқсандағы №12/103-VII Шымкент қаласы мәслихатының шешіміне өзгеріс енгізу туралы;
9. «Шымкент қаласы мәслихаты аппаратының штат құрылымы туралы» 2021 жылғы 18 наурыздағы №3/27-VII Шымкент қаласы мәслихатының шешіміне өзгеріс енгізу туралы;
10. Шымкент қаласы мәслихатының кезекті сессиясының өткізілуін жоспарлау туралы.
Аталған мәселелер сессия алдында бірлескен тұрақты комиссияда егжей-тегжейлі талқыланып,сессия барысында депутаттар бірқатар сауалдар жолдады. Олар өңіріміздің көкейкесті мәселелерін қамтып, нақты іс әрекеттердің жүзеге асырылуына ықпал етті. Жиын соңында қортынды сөз алған қала әкімі М. Әйтенов ұсынылған мәселелердің маңыздылығына тоқталып, Шымкент қаласының мегаполис мәртебесін алғанына төрт жыл толуына орай, алдағы келе жатқан қала күнімен құттықтап, жиынға қатысқан мәслихат депутаттарына осы бағытта кешенді шараларды іске асыру үшін жұмыла жұмыс істеуге шақырды.
Шымкент қаласы мәслихатының баспасөз қызметі.
