Ресей әуе компаниясы Астана мен Санкт-Петербург арасындағы тікелей рейстердің қайта ашылғанын хабарлады.
Елорда әуежайының баспасөз қызметінің мәліметінше, тұрақты ұшулар 3 маусымнан басталады. Рейстер «эконом» және «бизнес» кластарымен жабдықталған Airbus A319 ұшақтарымен орындалады.
Жазғы маусымда рейстер аптасына үш рет жүзеге асырылады:
Астанадан – дүйсенбі, бейсенбі және сенбі күндері,
ал Санкт-Петербургтен – сейсенбі, жұма және жексенбі күндері.
Мамандардың айтуынша, бұл бағыт жолаушылар арасында сұранысқа ие. Тікелей әуе қатынасының қайта жандануы екі қала арасындағы туристік және іскерлік байланыстың артуына оң әсер етеді деп күтілуде.
