Елордада №52 мектеп-гимназияның 11A сынып оқушысы Марлен Көшербай бүлдіршінді судан аман алып шықты, деп хабарлайды Turanaqparat.kz.
Оқыс оқиға 12 мамырда болған.
Сағат 11:00 шамасында Марленнің қарындасы оны оятып, өзенде бала суға батып бара жатқанын айтқан. Марлен үйдің жанындағы өзенге жүгіріп, балаға көмек көрсеткен, — делінген әкімдіктің хабарламасында.
Марлен Көшербай мектепте үздік оқиды, спортпен белсенді түрде айналысады.
Жасөспірімнің сөзінше, баланың оқыс оқиғаға тап болғанын көрген кезде еш ойланбастан суға қарай беттеген.
Бүгін ерлік көрсеткен Марлен Астана қаласы ТЖД және Білім басқармасы атынан марапатталды.
