Үкімет отырысында Көлік министрі Марат Қарабаев елімізде вокзалдар жөнделетінін айтты, деп хабарлайды Turanaqparat.kz.
Қазіргі уақытқа дейін 5 вокзал реконструкциялау жұмыстарынан өткен. Биыл туристік бағыттарды қоса алғанда, тағы 53 вокзалға жөндеу жұмыстары басталады, — деді Марат Қарабаев Үкімет отырысында.
Оның сөзінше, вокзал маңындағы алаңдарды жөндеу жұмыстары жергілікті атқарушы органдар тарапынан қамтамасыз етілуі қажет.
Олжас Бектенов Марат Қарабаевқа жұмысты биыл аяқтау керегін ескертті.
Вокзалдар бойынша өзіңізге тапсырма берген едім. Ол өте маңызды. Еліміздің имиджі мен беделіне әсер ететін мәселе. Сондықтан оны биыл аяқтау қажет. Тиісті қаржыландыру болады, — деп тапсырды Олжас Бектенов.
