Биыл 19 миллион шаршы метр тұрғын үйді пайдалануға беру үшін «Бәйтерек» холдингі арқылы 500 миллиард теңге көлемінде қосымша қаржы бөлу жоспарланып отыр, деп хабарлайды Turanaqparat.kz.
Бұл туралы Үкімет отырысында Өнеркәсіп және құрылыс министрі Ерсайын Нағаспаев баяндады.
Қаражаттың негізгі бағыттары:
- 21 мың жалға берілетін пәтерді сатып алуға – 300 млрд теңге
- Инженерлік-коммуникациялық инфрақұрылымға – 120 млрд теңге
- «Отбасы Банкінің» «2-10-20» және «5-10-20» ипотекалық бағдарламаларын қаржыландыруға – 80 млрд теңге.
Министрлік тұрғын үй құрылысын ынталандыру және кезекте тұрған азаматтарды қолжетімді баспанамен қамтамасыз ету бойынша бастамаларды қолдауға шақырды.
