Қазақстанда әскери қызметшілердің ұялы телефон пайдалану тәртібі жеңілдетілді. Қорғаныс министрлігі мобильді құрылғыларды әкелу, алып шығу және қолданудың жаңартылған ережелерін бекітті.
Жаңа тәртіпке сәйкес, сарбаздар, курсанттар мен кадеттер енді телефондарын әскери бөлім аумағына өшірулі күйде еркін алып кіріп, алып шыға алады. Сонымен қатар, құрылғыларды тек казармада ғана емес, әскери госпитальдарда, медициналық бөлімдерде және емдеу-диагностикалық нысандарда пайдалануға рұқсат берілді.
Бұған дейін телефон қолдану қатаң шектеліп, көбіне батырмалы құрылғыларға ғана рұқсат берілген еді және пайдалану уақыты да қысқа болатын.
Жаңартылған ережелер әскери тәртіпті сақтай отырып, сарбаздардың тұрмысын жеңілдетуге бағытталған.
