АҚШ Ресей мен Иран мұнайына қатысты санкциялық жеңілдіктердің мерзімін тағы 30 күнге ұзартты. Бұл шешім энергетика нарығындағы қазіргі ахуалға байланысты қабылданған.
Бұл туралы АҚШ Қаржы министрі Скотт Бессент Сенаттағы тыңдау кезінде мәлімдеді. Оның айтуынша, мұндай қадам Ормуз бұғазы маңындағы шектеулер салдарынан жанармай тапшылығына ұшыраған бірқатар елдердің өтініші бойынша жасалған. Мұндай сұраныстар жуырда Халықаралық валюта қоры мен Дүниежүзілік банк аясында өткен кездесулер барысында шамамен он елден түскен.
Айта кетейік, бұған дейін АҚШ Қаржы министрлігі бұл жеңілдіктерді ұзарту жоспарда жоқ екенін мәлімдеген еді. Алайда энергия нарығындағы тұрақсыздық пен жеткізілім мәселелері шешімді қайта қарауға мәжбүр етті.
Уақытша жеңілдіктерді ұзарту жанармай жеткізілімін тұрақтандыруға, сондай-ақ энергия ресурстарына тәуелді елдер үшін тәуекелдерді азайтуға бағытталған.
