Оқу-ағарту министрлігінің хабарлауынша, бұл көмек Жалпыға міндетті білім беру қоры аясында 1 тамыз бен 30 қыркүйек аралығында көрсетіледі. Бөлінген қаражат мектеп формасын, аяқ киім мен қажетті оқу құралдарын сатып алуға арналған. Жобаны жүзеге асыру үшін жергілікті бюджеттерден 23 млрд теңгеге жуық қаржы қаралды.
Басты мәліметтер:
-
Көмек мөлшері: Бір балаға төленетін ең төменгі төлем – 50 851 теңге. Бұл өткен жылмен салыстырғанда 10%-ға артық. Ал өңірлердің бюджеттік мүмкіндігіне қарай кей облыстарда бұл сумма бұдан да жоғары болуы мүмкін.
-
Кімдер ала алады? Жетім және ата-анасының қамқорлығынсыз қалған балалар, аз қамтылған және атаулы әлеуметтік көмек (АӘК) алатын отбасылардың оқушылары, сондай-ақ өмірлік қиын жағдайға тап болған балалар.
-
Қалай алуға болады? Қаражатты алу үшін ата-аналар немесе заңды өкілдер тиісті құжаттарды бала оқитын білім беру ұйымына (мектепке) тапсыруы қажет.
