2026 жылғы ҰБТ басталғалы бір апта ішінде еліміз бойынша 41 мыңға жуық түлек тест тапсырып үлгерді. Бұл туралы Ғылым және жоғары білім министрлігі мәлімдеді.
Ведомство дерегінше, талапкерлердің 67 пайызы тесті қазақ тілінде тапсырса, 33 пайызы орыс тілін таңдаған. Сондай-ақ 103 талапкер ҰБТ-ны ағылшын тілінде тапсырған.
Бір апта қорытындысы бойынша тестілеуге қатысқандардың 57 пайызы шекті балл жинаған. Орташа нәтиже – 58 балл. Ал ең жоғары көрсеткіш 138 балды құрады.
Айта кетейік, бұған дейін ҰБТ кезінде кейбір түлектердің смарт-көзілдірікпен кірмек болғаны хабарланған еді.
